ഓഹരി വിപണി: സൂചികകളിൽ നഷ്ടത്തോടെ വ്യാപാരം

മുംബൈ: വ്യാപാര വാരത്തിൻ്റെ ആദ്യ ദിനമായ ഇന്ന് ഓഹരിവിപണി സൂചികകളിൽ നഷ്ടത്തോടെ വ്യാപാരത്തിന് തുടക്കമായി. വ്യാപാരം തുടങ്ങുമ്പോള്‍ നിഫ്റ്റി 48 പോയിൻ്റ് ഇടിഞ്ഞ് 10845.50ലെത്തിയപ്പോൾ സെന്‍സെക്‌സ് 161.79 പോയിൻ്റ് ഇടിഞ്ഞ് 36,307.64ലുമെത്തി. 105 കമ്പനികളുടെ ഓഹരികള്‍ മാറ്റമില്ലാതെ തുടരുകയാണ്. ബിഎസ്ഇയിലെ 1,845 കമ്പനികളില്‍ 549 കമ്പനികളുടെ ഓഹരികള്‍ നേട്ടത്തിലാണ്. 1,177 കമ്പനികളുടെ ഓഹരികൾ നഷ്ടം രേഖപ്പെടുത്തി.
എച്ച്‌സിഎല്‍ ടെക്, ഹിന്ദുസ്ഥാന്‍ യുണിലിവര്‍, റിലയന്‍സ്, ഹീറോ മോട്ടോര്‍കോര്‍പ്, ടാറ്റ മോട്ടോഴ്‌സ്, ഡോ.റെഡ്ഡീസ് ലാബ്, ഒഎന്‍ജിസി, എച്ച്ഡിഎഫ്‌സി ബാങ്ക് തുടങ്ങിയ ഓഹരികള്‍ നേട്ടം കൊയ്തു. യെസ് ബാങ്ക്, ഐസിഐസിഐ ബാങ്ക്, ടാറ്റ സ്റ്റീല്‍, ഹിന്‍ഡാല്‍കോ, ഭാരതി എയര്‍ടെല്‍ തുടങ്ങിയ ഓഹരികള്‍ നഷ്ടത്തിലുമാണ്.
Original Article