ഇന്ധന വില; തുടർച്ചയായ പതിനൊന്നാം ദിനവും വില കൂടി

രാജ്യത്ത് ഇന്ധന വില തുടർച്ചയായ പതിനൊന്നാം ദിവസവും ഉയർന്നു. പെട്രോൾ ലീറ്ററിന് 55 പൈസയും ഡീസൽ 57പൈസയുമാണ് വർദ്ധിച്ചത്. കൊച്ചി നഗരത്തിൽ ഒരു ലിറ്റർ പെട്രോളിന്റെ വില 77.54 രൂപയാണ്. 71.86 രൂപയാണ് ഡീസൽ വില. 10 ദിവസം കൊണ്ട് പെട്രോളിന് ഉയർന്നത് 6.03രൂപയും ഡീസലിന് 6.08 രൂപയുമാണ്. ലോക്ക് ഡൗൺ സമയത്ത് രാജ്യാന്തര വിപണിയിൽ അസംസ്കൃത എണ്ണയുടെ വില കുത്തനെ കുറഞ്ഞെങ്കിലും, അതിന്റെ ഗുണം ജനങ്ങൾക്ക് നൽകാതെ എക്സൈസ് തീരുവ കുത്തനെ കൂട്ടുകയായിരുന്നു കേന്ദ്ര സർക്കാർ ചെയ്തത്. പെട്രോളിന് 13 രൂപയും ഡീസലിന് 16 രൂപയുമായിരുന്നു തീരുവ ഉയർത്തിയത്.