പാചകവാതകത്തിന് വീണ്ടും വില കൂട്ടി

പാചകവാതക വില വീണ്ടും വർധിപ്പിച്ചു. വീട്ടാവശ്യത്തിനുള്ള സിലിണ്ടറിന് 25 രൂപയാണ് വർധിപ്പിച്ചത്. ഒരു മാസത്തിനിടെ മൂന്നാം തവണയാണ് പാചകവാതത്തിന്റെ വില വർധിപ്പിക്കുന്നത്. ഫെബ്രുവരി 14ന് സിലിണ്ടറിന് 50 രൂപ കൂട്ടിയിരുന്നു. ഏറ്റവും പുതിയ വർധനവ് കൂടി കണക്കിലെടുത്താൽ 2021ൽ മാത്രം നാല് തവണയാണ് ഗ്യാസിന്റെ വില കൂട്ടിയത്.

ഡിസംബർ മാസത്തിൽ രണ്ട് തവണ പാചകവാതകത്തിന് വില കൂട്ടിയിരുന്നു. ഡിസംബർ ഒന്നിനും 16നും 50 രൂപ വീതമായിരുന്നു കൂട്ടിയത്. പുതുക്കിയ നിരക്ക് കൂടി വന്നതോടെ കൊച്ചിയിൽ സിലിണ്ടറിന് 801 രൂപയായി.