കൊച്ചി: കേരള സർക്കാരിൻ്റെ പൊലീസ് ആക്ട് ഭേദഗതി ജനാധിപത്യ വിരുദ്ധമെന്ന് കേരള പ്രദേശ് ഗാന്ധി ദർശൻ വേദി ഐ.ടി സെൽ സംസ്ഥാന കമ്മിറ്റി . പുതിയ ഭേദഗതി പ്രകാരം ആരെയെങ്കിലും അപകീർത്തിപ്പെടുത്താൻ ഉദ്ദേശ്യമുണ്ടെന്നു പൊലീസിന് തോന്നിയാൽ പോലും നടപടിയെടുക്കാമെന്ന സ്ഥിതിയാണ്. നീതി പീഠം കുറ്റം നിർണ്ണയിക്കുന്ന രീതിക്ക് പകരം പൊലീസിന് വിവേചനാധികാരം നൽകാനുള്ള നീക്കം കരിനിയമമാണെന്നും അത് നീക്കം ചെയ്യാൻ അടിയന്തിര നടപടി സ്വീകരിക്കണമെന്നും യോഗം അവശ്യപ്പട്ടു.
സാമൂഹിക മാധ്യമങ്ങളിലൂടെ വ്യക്തികൾക്കും ,സ്ത്രീകൾക്കും എതിരായ സൈബർ കുറ്റകൃത്യങ്ങൾ തടയുന്നതിന് ആവശ്യമെങ്കിൽ കർശന നിയമം നിർമ്മിക്കുന്നതിന് പകരം പൊലീസ് ആക്ടിൽ കൊണ്ടുവന്ന ഭേദഗതി നിലവിലുള്ള അഭിപ്രായ സ്വാതന്ത്ര്യം, മാധ്യമ സ്വാതന്ത്ര്യം , ജനാധിപത്യ സ്വാതന്ത്ര്യം , മനുഷ്യാവകാശങ്ങൾ എന്നിവ പരിമിതപ്പെടുത്തുമെന്ന് യോഗം അഭിപ്രായപ്പെട്ടു. ചീഫ് കോർഡിനേറ്റർ മാമ്പുഴക്കരി വി.എസ്. ദിലീപ് കുമാർ അധ്യക്ഷത വഹിച്ചു. സുരേഷ് ബാബു വാഴൂർ , യു മേഘ , സി.വി രമേശ്, മുരളീ കൃഷ്ണൻ , അഡ്വ: കരോൾ ആലഞ്ചേരി, വൈശാഖ് കെ.വി , രാജേഷ് പി , ഷംസുദ്ദീൻ പി.ഇ, ജോസഫ് തോമസ് എന്നിവർ സംസാരിച്ചു.
© 2019 IBC Live. Developed By Web Designer London
