പുതുച്ചേരിയിൽ ഒരു കോൺഗ്രസ് എംഎൽഎ കൂടി രാജിവച്ചു

പുതുച്ചേരിയിൽ ഒരു കോൺഗ്രസ് എംഎൽഎ കൂടി രാജിവച്ചു. കാമരാജ് നഗർ എംഎൽഎ ജോൺ കുമാറാണ് രാജിവച്ചത്. ഇതോടെ രാജിവെച്ച ‌‌കോൺഗ്രസ് എംഎൽഎമാരുടെ എണ്ണം നാലായി. പ്രതിപക്ഷം അവിശ്വാസ പ്രമേയം കൊണ്ടുവരാൻ ശ്രമം തുടങ്ങി. രാഹുൽ ഗാന്ധി നാളെ പുതുച്ചേരി സന്ദർശിക്കാനിരിക്കെയാണ് എംഎൽഎയുടെ രാജി.

ജോൺ കുമാർ കൂടി രാജിവെച്ചതോടെ നിയമസഭയിലെ കോൺഗ്രസ് എംഎൽഎമാരുടെ എണ്ണം 13 ആയി. നിലവിൽ പത്ത് കോൺഗ്രസ് എംഎൽഎമാരും, മൂന്ന് ഡിഎംകെ എംഎൽഎമാരും ഒരു സ്വതന്ത്രനുമാണ് സർക്കാരിനെ പിന്തുണയ്ക്കുന്നത്. പുതുച്ചേരിയിൽ തെരഞ്ഞെടുപ്പ് നടക്കാൻ മാസങ്ങൾ ശേഷിക്കെയാണ് എംഎൽഎമാർ കൂട്ടത്തോടെ രാജിവച്ചിരിക്കുന്നത്.