ഡല്‍ഹി: അര്‍ണബ് ഗോസ്വാമിക്കും റിപ്പബ്ലിക് ടി.വിക്കും തിരിച്ചടിയായി പുതിയൊരു കോടതി വിധികൂടി. ഡല്‍ഹി ഹൈകോടതിയാണ് വിധി പുറപ്പെടുവിച്ചത്. റിപ്പബ്ലിക് ടി.വിയില്‍ അര്‍ണബ് അവതരിപ്പിക്കുന്ന ‘ന്യൂസ് അവര്‍’ എന്ന വാര്‍ത്താ പരിപാടിക്ക് ആ പേര് ഉപയോഗിക്കരുതെന്നാണ് കോടതി വിധിച്ചത്. ടൈംസ് നൗ ചാനലിെന്‍റ ഉടമകളായ ബെന്നറ്റ് കോള്‍മാന്‍ കമ്ബനി നല്‍കിയ പരാതിയിലാണ് നടപടി. ന്യൂസ് അവര്‍ എന്നത് തങ്ങളുെട വാര്‍ത്താ പരിപാടിയുടെ ടൈറ്റില്‍ ആണെന്നും അര്‍ണബ് അത് കോപ്പിയടിക്കുകയായിരുന്നെന്നും ടൈംസ് നൗ ഉടമകള്‍ കോടതിയില്‍ പറഞ്ഞു. ടൈംസ് നൗവില്‍ എഡിറ്റര്‍ ഇന്‍ ചീഫ് ആയിരുന്നപ്പോള്‍ അര്‍ണബ് ന്യൂസ് അവര്‍ അവതരിപ്പിച്ചിരുന്നു.പിന്നീട് റിപ്പബ്ലിക് ടി.വി തുടങ്ങിയപ്പോള്‍ ടൈറ്റില്‍ അതേപടി ഉപയോഗിക്കുകയായിരുന്നു. അതേസമയം, അര്‍ണബിന് ആശ്വാസമായൊരു വിധിയും കോടതി പുറപ്പെടുവിച്ചിട്ടുണ്ട്. ‘നേഷന്‍ വാണ്ട്സ് ടു നോ’എന്ന ടാഗ്ലൈന് ഉപയോഗിക്കുന്നതില്‍ നിന്ന് വിലക്കണമെന്ന ടൈംസ് ഗ്രൂപ്പിെന്‍റ ആവശ്യം കോടതി അനുവദിച്ചില്ല. ‘നേഷന്‍ വാണ്ട്സ് ടു നൊ’ എന്നത് തങ്ങളുടെ ചാനലില്‍ ഉപയോഗിച്ചിരുന്നതാണെന്നായിരുന്നു അവരുടെ വാദം. ഇത് അര്‍ണബിന്‍റ മാത്രം സംഭാവന അല്ലെന്നും എഡിറ്റോറിയല്‍ ചര്‍ച്ചയിലൂടെ രൂപെപ്പട്ടതാണെന്നും അവര്‍ വാദിച്ചു. എന്നാല്‍ ഇത് കോടതിയില്‍ തെളിയിക്കാന്‍ അവര്‍ക്കായില്ല. അതിനാല്‍ കോടതി താല്‍ക്കാലികമായി ടാഗ്ലൈന് ഉപയോഗിക്കാന്‍ അര്‍ണബിനെ അനുവദിക്കുകയായിരുന്നു.
© 2019 IBC Live. Developed By Web Designer London
