ഗാന്ധി പ്രതിമക്ക് മുകളിൽ ബിജെപിയുടെ കൊടി കെട്ടിയയാൾ പിടിയിൽ; മാനസിക രോഗിയെന്ന് പൊലീസ്

പാലക്കാട് നഗരസഭാ വളപ്പിലെ ഗാന്ധി പ്രതിമക്ക് മുകളിൽ ബി.ജെ.പിയുടെ കൊടി കെട്ടിയയാൾ പിടിയിൽ. പാലക്കാട് തിരുനെല്ലായി സ്വദേശി ബിനീഷാണ് പിടിയിലായത്. ഇയാൾക്ക് മാനസിക പ്രശ്നങ്ങളുണ്ടെന്ന് പൊലീസ് പറഞ്ഞു.

ശനിയാഴ്ച്ച രാവിലെ 7.45 നാണ് ഒരു വ്യക്തി നഗരസഭയിലെ മതിൽ ചാടി കടന്ന് വന്ന് ഗാന്ധി പ്രതിമക്ക് ബി ജെ പി പതാക പ്രതിമയിൽ കെട്ടിവെക്കുന്നത് സി സി ടു വി ദൃശ്യങ്ങളിൽ നിന്ന് വ്യക്തമാണ്. ഗാന്ധി പ്രതിമയുടെ കഴുത്തിലാണ് ബി ജെ പിയുടെ കൊടി കെട്ടിയത്. താഴെ ഇറങ്ങിയതിനു ശേഷം അൽപ്പ സമയം ചെലവിട്ട ശേഷമാണ് കൊടി കെട്ടിയ വ്യക്തി നഗരസഭ വളപ്പിൽ നിന്നും പോകുന്നത്.

രണ്ടാം ശനിയാഴ്ച്ച രാവിലെയാണ് കൊടി കെട്ടിയതെന്ന് നഗരസഭയിലെ സി സി ടി വി യിലെ സമയം തെളിയിക്കുന്നു. രണ്ട് ദിവസം ഗാന്ധി പ്രതിമ ബിജെപി പതാകയും ഏന്തി നിൽക്കേണ്ടി വന്നു.