ബാബ്റി മസ്ജിദ് കേസില്‍ എല്‍കെ അദ്വാനി ഉള്‍പ്പടെയുള്ളവരെ വെറുതെവിട്ട വിധിക്കെതിരെ അപ്പീല്‍ നല്കുന്ന കാര്യത്തില്‍ മൗനം തുടര്‍ന്ന് സിബിഐ. കേസില്‍ വിചാരണ കോടതി വിധിക്കെതിരെ സിബിഐ അപ്പീല്‍ നല്കണമെന്ന് പ്രതിപക്ഷം ആവശ്യപ്പെട്ടിരുന്നു. ആധികാരിക തെളിവുകള്‍ ഹാജരാക്കാനായില്ലെന്നും അന്വേഷണ ഏജന്‍സിക്ക് പല പിഴവുകള്‍ ഉണ്ടായെന്നും പ്രത്യേക കോടതി വിധിയില്‍ വ്യക്തമാക്കുന്നു. എന്നാല്‍ ലക്നൗ പ്രത്യേക കോടതി വിധിയോട് ഇതു വരെ സിബിഐ പ്രതികരിച്ചിട്ടില്ല.
അപ്പീല്‍ നല്കാന്‍ രണ്ടു മാസത്തെ സമയം ബാക്കിയുണ്ട്. ഇപ്പോള്‍ പ്രതികരിക്കാതെ വിഷയം തണുക്കാനുള്ള നീക്കത്തിലാണ് സിബിഎ എന്ന ആരോപണവും ശക്തമായിട്ടുണ്ട്. കേന്ദ്ര ഏജന്‍സികള്‍ക്കെതിരെ വിമര്‍ശനം ശക്തമാകുന്ന സമയത്താണ് ബാബറി മസ്ജിദ് തകര്‍ത്ത കേസില്‍ നിലപാടെടുക്കാന്‍ സിബിഐക്കുമേല്‍ സമ്മര്‍ദ്ദം ഏറുന്നത്.
© 2019 IBC Live. Developed By Web Designer London
