കോഴിക്കോട് നിർമ്മാണത്തിലിരുന്ന പാലത്തിന്റെ ബീം തകർന്നുവീണു

കോഴിക്കോട് കൂളിയാട് നിർമ്മാണത്തിലിരുന്ന പാലത്തിന്റെ ബീം തകർന്നുവീണു. ചാലിയാറിന് കുറുകെ കോഴിക്കോട് – മലപ്പുറം ജില്ലകളെ പരസ്പരം ബന്ധിപ്പിച്ചാണ് പാലം പണിയുന്നത്. പാലം പണി തുടങ്ങിയിട്ട് രണ്ട് വർഷമായി. ഊരാളുങ്കലിനാണ് നിർമാണത്തിന്റെ ചുമതല.

കനത്ത മഴയിൽ സംസ്ഥാനത്ത് പലയിടങ്ങളിലും കനത്ത നാശനഷ്ടമുണ്ടായി. ഇന്നും അതിതീവ്ര മഴ തുടരും. മറ്റന്നാൾ വരെ എല്ലാ ജില്ലകളിലും മഴ മുന്നറിയിപ്പുണ്ട്. അറബികടലിൽ പടിഞ്ഞാറൻ കാറ്റ് ശക്തി പ്രാപിക്കുന്നതിനാലാണ് കേരളത്തിൽ മഴ കനക്കുന്നതിന് കാരണം. എറണാകുളം, ഇടുക്കി, തൃശൂർ, കോഴിക്കോട്, കണ്ണൂർ ജില്ലകളിൽ റെഡ് അലേർട്ട് ആണ് പ്രഖ്യാപിച്ചിട്ടുള്ളത്. കൊല്ലം, പത്തനംതിട്ട, കോട്ടയം, ആലപ്പുഴ, മലപ്പുറം, വയനാട്, കാസറഗോഡ് ജില്ലകളിൽ ഓറഞ്ച് അലേർട്ടും തിരുവനന്തപുരം, പാലക്കാട് എന്നിവിടങ്ങളിൽ യെല്ലോ അലേർട്ടുമാണുള്ളത്. താഴ്ന്ന പ്രദേശങ്ങൾ, നദീതീരങ്ങൾ, ഉരുൾപൊട്ടൽമണ്ണിടിച്ചിൽ സാധ്യതയുള്ള മലയോര പ്രദേശങ്ങൾ എന്നിവിടങ്ങളിൽ അതിജാഗ്രതാ നിർദ്ദേശമുണ്ട്. കേരളാ തീരത്ത് മത്സ്യ ബന്ധനത്തിനും വിലക്കേർപ്പെടുത്തി.