മഞ്ചേരി മെഡിക്കൽ കോളേജിന് ‘ബയോ സേഫ്റ്റി ക്യാബിനറ്റ്’ എം. ഇ. എസ് വക

കേരള സർക്കാർ കൊറോണ പരിശോധനക്കായി മഞ്ചേരി മെഡിക്കൽ കോളേജിൽ ആരംഭിച്ച കൊറോണ ടെസ്റ്റിംഗ് ലബോറട്ടറിക്ക് ആവശ്യമായ ബയോ സേഫ്റ്റി ക്യാബിനറ്റ് എന്ന ഉപകരണം എം.ഇ.എസ് മെഡിക്കൽ കോളേജ് ഡയറക്ടർ ഡോ: പി.എ. ഫസൽ ഗഫൂറിന്റെ നിർദ്ദേശപ്രകാരം മെഡിക്കൽ കോളേജ് രജിസ്ട്രാർ ഡോ: സി.വി. ജമാലുദ്ധീൻ മഞ്ചേരി മെഡിക്കൽ കോളേജ് അധികൃതർക്ക് കൈമാറി. പ്രസ്തുത പരിപാടിയിൽ എം. ഇ. എസ് മെഡിക്കൽ കോളേജ് ഡീൻ ഡോ: ഗിരീഷ് രാജ്, മൈക്രോബിയോളജി വിഭാഗം മേധാവി ഡോ: സയ്ദ് മുസ്താഖ്, നോഡൽ ഓഫീസർ ഡോ: ആസിഫ് അലി ഉസ്മാൻ എന്നിവർ സംബന്ധിച്ചു.