പശ്ചിമ ബംഗാൾ ഉടൻ ഹിന്ദു രാജ് ആകുമെന്ന് ബി ജെ പി എം പി

പശ്ചിമ ബംഗാൾ ഉടൻ ഹിന്ദു രാജ് ആകുമെന്ന് ബി ജെ പി എം പി പ്രഗ്യാസിംഗ് താക്കൂർ. അടുത്ത നിയമസഭാ തെരഞ്ഞെടുപ്പിൽ ബിജെപി വിജയിക്കുമെന്നും പശ്ചിമ ബംഗാൾ ‘ഹിന്ദു രാജ്’ ആകുമെന്നുമായിരുന്നു എം പിയുടെ പരാമർശം. ബിജെപി ദേശീയ പ്രസിഡന്റ് ജഗത് പ്രകാശ് നദ്ദയും മമതയും തമ്മിലെ വിവാദത്തിൽ പ്രതികരിക്കുകയായിരുന്നു അവർ.

‘തന്റെ ഭരണം അവസാനിക്കാൻ പോകുന്നതിൻറെ നിരാശയിലാണ് മമത, അടുത്ത നിയമസഭാ തെരഞ്ഞെടുപ്പിൽ ബി ജെ പി വിജയിക്കും, പശ്ചിമബംഗാൾ ഹിന്ദുരാജ് ആവുകയും ചെയ്യും’, അവർ പറഞ്ഞു.

കൊ​ൽ​ക്ക​ത്ത​യി​ൽ​ വെച്ച് ബി ജെ പി അധ്യക്ഷൻ ജെ പി ന​ദ്ദ​യു​ടെ വാഹനത്തിന് നേരെ കല്ലേറുണ്ടായിരുന്നു. അതാണ് മമതയും കേന്ദ്രസർക്കാരും തമ്മിൽ തുറന്നപോരിന് വഴിവെച്ചത്. നദ്ദക്ക് നേരെ കല്ലേറും കരിങ്കൊടിയും കാണിച്ചതിന് പിന്നിൽ തൃണമൂൽ കോൺഗ്രസാണെന്ന് ബി.ജെ.പി ആരോപിച്ചിരുന്നു. പിന്നാലെ ബം​ഗാ​ൾ ചീഫ് സെ​ക്ര​ട്ട​റി​യും ഡി.​ജി​.പി​യും തി​ങ്ക​ളാ​ഴ്ച ഡ​ൽ​ഹി​യിൽ എ​ത്ത​ണ​മെ​ന്ന് കേ​ന്ദ്രം നി​ർ​ദേ​ശിച്ചു. ഈ നിർദേശം മമ​ത സ​ർ​ക്കാ​ർ ത​ള്ളി​ക്ക​ള​ഞ്ഞു.

.