മലപ്പുറത്ത് അരകോടി രൂപയോളം വിലവരുന്ന കഞ്ചാവ് പിടികൂടി

മലപ്പുറം തിരൂരിൽനിന്ന് അരക്കോടി രൂപ വില വരുന്ന കഞ്ചാവ് പിടികൂടി. കോട്ട്കല്ലിങ്ങല്ലിലെ സ്വകാര്യ ലോഡ്ജ് കേന്ദ്രീകരിച്ച് കഞ്ചാവ് മൊത്തവിൽപന നടത്തിവന്ന കുറക്കത്താണി സ്വദേശി കല്ലൻ ഇബ്രാഹിമിൽ നിന്നാണ് കഞ്ചാവ് പിടികൂടിയത്. തിരൂരിൽ എക്സൈസ് നടത്തിയ പരിശോധനയിലാണ് കഞ്ചാവ് കണ്ടെടുത്തത്.

ഇയാൾ താമസിച്ച ലോഡ്ജ് മുറിയിലും കാറിലുമായി ഒളിപ്പിച്ച നിലയിലായിരുന്നു കഞ്ചാവ്. പിടികൂടിയ കഞ്ചാവിന് അരകോടി രൂപയോളം അന്താരാഷ്ട്ര വിപണിയിൽ വിലയുണ്ട്. കൂടാതെ ലഹരിവസ്തുക്കളുടെ വിൽപനയിൽ നിന്നും സ്വരൂപിച്ച 75,000 രൂപയും എക്സൈസ് കണ്ടെടുത്തു.