മുഖ്യ തെരഞ്ഞെടുപ്പ് കമ്മീഷണർക്ക് വോട്ടില്ല

തദ്ദേശ തെരഞ്ഞെടുപ്പിൽ മുഖ്യ തെരഞ്ഞെടുപ്പ് കമ്മീഷണർ ടിക്കാറാം മീണക്ക് വോട്ടില്ല. വോട്ടർ പട്ടികയിൽ പേരില്ലാത്തതിനാൽ കലക്ടർക്ക് പരാതി നൽകുമെന്ന് ടിക്കാറാം മീണ പറഞ്ഞു. ലോക്സഭ തെരഞ്ഞെടുപ്പിൽ പൂജപ്പുര വാർഡിലായിരുന്നു ടിക്കാറാം മീണ വോട്ട് രേഖപ്പെടുത്തിയത്.

അതേസമയം സംസ്ഥാനത്തെ അഞ്ച് ജില്ലകളിൽ വോട്ടെടുപ്പ് പുരോഗമിക്കുന്നു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് തദ്ദേശ തെരഞ്ഞെടുപ്പിൻറെ ആദ്യ ഘട്ട പോളിങ് നടക്കുന്നത്.

രാവിലെ ഏഴ് മണി മുതൽ വൈകിട്ട് ആറ് മണി വരെയാണ് പോളിങ്. കൊവിഡ് മാനദണ്ഡങ്ങൾ പാലിച്ച് കൊണ്ടാണ് പോളിംങ് പുരോഗമിക്കുന്നത്. ആദ്യ മണിക്കൂറിൽ മികച്ച പോളിങാണ് രേഖപ്പെടുത്തിയിരിക്കുന്നത്.