എൽ ഡി എഫിൽ ജനങ്ങൾക്ക് വലിയ പ്രതീക്ഷയുണ്ടെന്ന് മുഖ്യമന്ത്രി

എൽ ഡി എഫിൽ ജനങ്ങൾക്ക് വലിയ പ്രതീക്ഷയുണ്ടെന്ന് മുഖ്യമന്ത്രി പിണറായി വിജയൻ. ”പ്രചാരണ മേഖലയിൽ പ്രതിപക്ഷത്തിന് കടുത്ത നിരാശയാണുള്ളത്. എവിടെ വികസനം എന്ന പ്രതിപക്ഷത്തിൻറെ ചോദ്യം വ്യക്തമാക്കുന്നത് അതാണ്. എൽ ഡി എഫ് സർക്കാർ നടപ്പാക്കിയ വികസന പദ്ധതികൾ ആർക്കും മറച്ചുവെക്കാനാകില്ല. അതുകൊണ്ട് തന്നെ എൽ ഡി എഫിൽ ജനങ്ങൾക്ക് വിശ്വാസവും പ്രതീക്ഷയുമുണ്ട്. കേരളം മാറില്ലെന്ന ധാരണ ഇടതുപക്ഷം തിരുത്തിയെന്നും അദ്ദേഹം പറഞ്ഞു.

”കോൺഗ്രസ് -ബി.ജെ.പി ചങ്ങാത്തം പരസ്യമാകുന്നുണ്ട്. അതിൽ നിന്നും ശ്രദ്ധ തിരിക്കാനാണ് പ്രതിപക്ഷം നുണ പ്രചരിപ്പിക്കുന്നത്. തദ്ദേശ തെരഞ്ഞെടുപ്പിലും ഈ ശ്രമം നടന്നു. ഒ രാജഗോപാൽ‌ പറഞ്ഞത് പലരും കേൾക്കുന്നില്ല. പല മധ്യമങ്ങൾക്കും അത് വാർത്തയല്ല”. ബാലശങ്കറിന് പിന്നാലെ പോകാൻ നാണമുണ്ടോയെന്നും പിണറായി വിജയൻ ചോദിച്ചു.