സർക്കാരിനെതിരെ സംസ്ഥാന വ്യാപക പ്രതിഷേധത്തിനൊരുങ്ങി കോൺഗ്രസ്

വിവിധ വിഷയങ്ങളിൽ സംസ്ഥാന സർക്കാരിനെതിരെ കോൺഗ്രസ് ഇന്ന് സംസ്ഥാന വ്യാപക പ്രതിഷേധം സംഘടിപ്പിക്കും. തിരുവനന്തപുരത്ത് സെക്രട്ടറിയേറ്റിലേക്കും മറ്റു ജില്ലകളിലെ കളക്ടറേറ്റുകളിലേക്കുമാണ് പ്രതിഷേധം നടത്തുന്നത്. എൽഡിഎഫ് സർക്കാരിന്റെ ദുർഭരണത്തിനെതിരെ കോൺഗ്രസ് പൗര വിചാരണ എന്ന പേരിലാണ് പ്രതിഷേധം സംഘടിപ്പിക്കുന്നത്. പ്രതിഷേധത്തിന്റെ സംസ്ഥാനതല ഉദ്ഘാടനം സെക്രട്ടറിയേറ്റിന് മുന്നിൽ കെപിസിസി പ്രസിഡന്റ് കെ സുധാകരൻ നിർവഹിക്കും. മറ്റു ജില്ലകളിൽ വിവിധ നേതാക്കൾ നേതൃത്വം നൽകും.