കൊറോണ; റാന്നിയിലെ വൃദ്ധദമ്പതികൾ ആശുപത്രിവിട്ടു

കൊറോണ വൈറസ് ബാധിച്ച് കോട്ടയം മെഡിക്കൽകോളേജിൽ ചികിത്സയിലായിരുന്ന വൃദ്ധ ദമ്പതികൾ ആശുപത്രി വിട്ടു. റാന്നി സ്വദേശികളായ തൊണ്ണൂറ്റിരണ്ടുകാരൻ തോമസും എൺപത്തഞ്ചുകാരി മറിയാമ്മയുമാണ് ഇന്ന് വൈകുന്നേരം നാലുമണിയോടെ വീട്ടിലേക്ക് മടങ്ങിയത്. ഇന്ത്യയിൽ കോവിഡ് ബാധിച്ച് രക്ഷപ്പെടുന്ന ഏറ്റവും പ്രായം കൂടിയ വ്യക്തികളാണ് ഇരുവരും. ഇറ്റലിയിൽ നിന്നെത്തിയ മക്കളിൽ നിന്നാണ് ഇവർക്ക് രോഗം ബാധിച്ചത്.