തിരുവനന്തപുരത്ത് ദമ്പതികളെ തൂങ്ങി മരിച്ച നിലയിൽ കണ്ടെത്തി

തിരുവനന്തപുരം ആറ്റിങ്ങലിൽ ദമ്പതികളെ തൂങ്ങിമരിച്ച നിലയിൽ കണ്ടെത്തി. ആറ്റിങ്ങൽ സ്വദേശി രാജേന്ദ്രൻ ശ്യാമള എന്നിവരെയാണ് മരിച്ച നിലയിൽ കണ്ടെത്തിയത്. ആറ്റിങ്ങൽ കുഴിമുക്ക് ശ്യം നിവാസിലാണ് സംഭവം. 71 വയസുലള്ള രാജേന്ദ്രനും 64 വയസുള്ള ശ്യാമളയുമാണ് മരിച്ചത്.

ഇവരുടെ രണ്ട് ആൺ മക്കൾ വിദേശത്താണുള്ളത്. ഇവർക്ക് മറ്റു സാമ്പത്തിക ബുദ്ധിമുട്ടുകൾ ഉള്ളതായി പ്രദേശവാസികളോ ബന്ധുക്കളോ പറയുന്നില്ല. ശ്യാമള നേരത്തെ ക്യാൻസർ ബാധിച്ച് ചികിത്സയിലായിരുന്നു. പൊലീസ് സ്ഥലത്തെത്തി പരിശോധന തുടരുകയാണ്.