സ്വർണക്കടത്ത് കേസിൽ എം ശിവശങ്കറിന് നേരിട്ട് ബന്ധമെന്ന് കസ്റ്റംസ്

കൊച്ചി: സ്വർണക്കടത്ത് കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിന് നേരിട്ട് ബന്ധമുണ്ടെന്ന് കസ്റ്റംസ് കോടതിയിൽ. കേസിൽ ശിവശങ്കറിനെ നേരിട്ട് ബന്ധിപ്പിക്കുന്ന തെളിവുകൾ ലഭിച്ചുവെന്നും കസ്റ്റംസ് കോടതിയെ അറിയിച്ചു. സർക്കാർ പദ്ധതികളുടെ വിവരങ്ങൾ ശിവശങ്കർ ചോർത്തി നൽകി. കേസുമായി ബന്ധപ്പെട്ട് കൂടുതൽ പേരെ ചോദ്യം ചെയ്യണമെന്നും കസ്റ്റംസ് കോടതിയെ അറിയിച്ചു.