സര്‍ക്കാര്‍ അവഗണനക്കെതിരെ പ്രവാസികളുടെ ധര്‍ണ്ണ

കേരളത്തിന്റെ പുരോഗതിക്ക് വേണ്ടി ദശകങ്ങളായി അന്യ നാട്ടില്‍ കഷ്ടപ്പെടുന്ന പ്രവാസ സമൂഹത്തെ രോഗംമൂലം കഷ്ടപ്പെടുത്തി മരണത്തിലേക്ക് തള്ളിയിടുന്ന പിണറായി സര്‍ക്കാറിന്റെ അവഗണനക്കെതിരെ കോഡൂര്‍ മണ്ഡലം പ്രവാസി കമ്മിറ്റി കോഡൂര്‍ പഞ്ചായത്ത് ഓഫീസിന് മുന്നില്‍ സായാഹ്‌ന ധര്‍ണ്ണ നടത്തി. പ്രവാസി കോണ്‍ഗ്രസ് ജില്ലാ പ്രസിഡന്റ് വി.എന്‍ കുഞ്ഞാവ ഹാജി ഉദ്ഘാടനം ചെയ്തു. മണ്ഡലം പ്രവാസി കോണ്‍ഗ്രസ് പ്രസിഡന്റ് കടമ്പോട്ട് അബ്ദുല്‍ റസാഖ് അധ്യക്ഷത വഹിച്ച യോഗത്തില്‍ യൂത്ത് കോണ്‍ഗ്രസ് സംസ്ഥാന ജന. സെക്രട്ടറി പി. കെ. നൗഫല്‍ ബാബു, എം കെ മുഹ്‌സിന്‍, അനീസ് കക്കാട്ട്, കെ പ്രഭാകരന്‍, പി പി റഷീദ്, കെ പി നാസര്‍, എം അബ്ദുല്‍ സലാം, കെ വി മുസ്തഫ എന്നിവര്‍ സംസാരിച്ചു. പി. കെ. ശിഹാബ് സ്വാഗതവും സാദിഖ് പൂക്കാടന്‍ നന്ദിയും പറഞ്ഞു.