ഫാക്ടറിയുടെ കൂറ്റൻ മതിൽ ഇടിഞ്ഞുവീണ് 12 തൊഴിലാളികൾ മരിച്ചു

ഗുജറാത്തിൽ ഫാക്ടറിയുടെ മതിൽ തകർന്നുവീണ് 12 തൊഴിലാളികൾ മരിച്ചു. 20 പേർക്ക് സാരമായി പരുക്കേറ്റു. മൂന്നുപേർകൂടി അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായാണ് വിവരം. രക്ഷാപ്രവർത്തനം പുരോഗമിക്കുകയാണ്. ഗുജറാത്തിലെ മോർബി ജില്ലയിലെ ഉപ്പ് നിർമാണ ഫാക്ടറിയുടെ മതിലാണ് ഇടിഞ്ഞുവീണത്. ജെസിബി ഉപയോഗിച്ചാണ് മൃതദേഹങ്ങൾ അവശിഷ്ടങ്ങൾക്കിടയിൽ നിന്ന് പുറത്തെടുത്തത്. ചാക്കിൽ ഉപ്പുനിറയ്ക്കുന്നതിനിടെ തൊഴിലാളികളുടെ ദേഹത്തേക്ക് കൂറ്റൻ മതിൽ ഇടിഞ്ഞുവീഴുകയായിരുന്നു. മുപ്പതോളം പേരാണ് സംഭവസമയത്തുണ്ടായിരുന്നത്. സംഭവത്തിൽ പ്രധാനമന്ത്രി നരേന്ദ്രമോദി അനുശോചനമറിയിച്ചു. മരിച്ചവരുടെ ബന്ധുക്കൾക്ക് കേന്ദ്രസർക്കാർ രണ്ട് ലക്ഷം രൂപ നഷ്ടപരിഹാരം പ്രഖ്യാപിച്ചു. ഗുജറാത്ത് സർക്കാർ കുടുംബാംഗങ്ങൾക്ക് നാല് ലക്ഷം രൂപ നൽകും.

The tragedy in Morbi caused by a wall collapse is heart-rending. In this hour of grief, my thoughts are with the bereaved families. May the injured recover soon. Local authorities are providing all possible assistance to the affected.

— Narendra Modi (@narendramodi) May 18, 2022