കൊവിഡ് വാക്സിൻ നിർമാണ കേന്ദ്രത്തിൽ തീപിടുത്തം

കൊവിഡ് വാക്സിൻ നിർമാണ കേന്ദ്രമായ പുനെ സിറം ഇൻസ്റ്റിറ്റ്യൂട്ടിൽ തീപിടിത്തം. ടെർമിനൽ ഒന്നിലെ രണ്ടാം നിലയിലാണ് തീപിടിച്ചത്. 10 ഫയർ യൂണിറ്റുകൾ തീയണക്കാൻ ശ്രമിക്കുകയാണ്. കൂടുതൽ യൂണിറ്റുകൾ സ്ഥലത്തേക്ക് എത്തും. ശാസ്ത്രജ്ഞരെ സുരക്ഷിത കേന്ദ്രത്തിലേക്ക് മാറ്റിയെന്ന് സിറം ഇൻസ്റ്റിറ്റ്യൂട്ട് അധികൃത‍ർ അറിയിച്ചു. തീപിടിത്തത്തിന് കാരണം ഇതുവരെ വ്യക്തമായിട്ടില്ല.

ഓക്സോഫോർഡും ആസ്ട്രാ സെനകയും ചേർന്ന് വികസിപ്പിച്ച കോവിഷീൽഡ് വാക്സിനാണ് സിറം ഇൻസ്റ്റിറ്റ്യൂട്ടിൽ നിർമിക്കുന്നത്. കൊവിഡ് വാക്സിൻ നിർമിക്കുന്ന കെട്ടിടത്തിൽ അല്ല തീപിടിച്ചതെന്ന് അധികൃതർ അറിയിച്ചു. നിർമാണത്തിലിരിക്കുന്ന കെട്ടിടത്തിനാണ് തീ പിടിച്ചത്. ഇത് വാക്സിൻ നിർമിക്കുന്ന കെട്ടിടത്തിന് സമീപമാണ്.