തൃശൂർ കൊടകരയിൽ അഞ്ച് കോടിയോളം വിലവരുന്ന കഞ്ചാവ് പിടികൂടി: മൂന്ന് പേർ അറസ്റ്റിൽ

തൃശൂർ കൊടകരയിൽ അഞ്ച് കോടിയോളം വിലവരുന്ന കഞ്ചാവ് പിടികൂടി. 460 കിലോയിലധികം കഞ്ചാവുമായി 3 പേർ പിടിയിലായി. കൊടുങ്ങല്ലൂർ സ്വദേശി ലുലു, വടക്കാഞ്ചേരി സ്വദേശി ഷാഹിൻ, മലപ്പുറം സ്വദേശി സലീം എന്നിവരാണ് പിടിയിലായത്. ചില്ലറ വിപണിയിൽ അഞ്ച് കോടി രൂപയോളം വിലമതിക്കുന്ന കഞ്ചാവാണ് പിടികൂടിയത്.

സംസ്ഥാന പൊലീസിൻ്റെ ചരിത്രത്തിലെ ഏറ്റവും വലിയ കഞ്ചാവ് വേട്ടകളിൽ ഒന്നാണ് ഇത്. മുന്തിയ ഇനം കഞ്ചാവാണ് പിടികൂടിയത്. ചരക്കുലോറിയിൽ അതിവിദഗ്ധമായി ഒളിപ്പിച്ചുകടത്തുന്നതിനിടെയാണ് മൂന്നംഗ സംഘം പിടിയിലായത്. ചാലക്കുടി ഡിവൈഎസ്പി സിആർ സന്തോഷും സംഘവുമാണ് ഇവരെ പിടികൂടിയത്.