‘ഗാന്ധി കണ്ണട ‘ തിരിച്ചെത്തിക്കണം -ഗാന്ധി ദർശൻ വേദി

കൊച്ചി: രാഷ്ട്ര പിതാവ് മഹാത്മാ ഗാന്ധി ദക്ഷിണാഫ്രിക്കയിലായിരുന്നപ്പോൾ ഉപയോഗിച്ച കണ്ണട തിരിച്ച് ഇന്ത്യയിലെത്തിക്കാൻ വേണ്ട അടിയന്തിര നടപടി സ്വീകരിക്കണമെന്ന് കേരള പ്രദേശ് ഗാന്ധി ദർശൻ വേദി സംസ്ഥാന കമ്മിറ്റി പ്രധാനമന്ത്രി, കേന്ദ്ര വിദേശകാര്യ , സാംസ്ക്കാരിക വകുപ്പ് മന്ത്രിമാർ , കേരള ഗവർണർ എന്നിവർക്ക് നൽകിയ നിവേദനത്തിൽ ആവശ്യപ്പെട്ടു.

ലണ്ടനിലെ സൗത്ത് വെസ്റ്റ് ഹന്‍ഹാമിലുള്ള ഈസ്റ്റ് ബ്രിസ്റ്റോള്‍ ഓക്ഷന്‍ ഹൗസിൽ നടന്ന ലേലത്തിൽ നമ്മുടെ രാഷ്ട്ര പിതാവ് മഹാത്മാ ഗാന്ധിജി ദക്ഷിണാഫ്രിക്കയിലായിരിക്കെ ഉപയോഗിച്ച കണ്ണട ഓൺലൈൻ ലേലത്തിൽ 2.5 കോടി രൂപയ്ക്ക് (ഇന്ത്യൻ രൂപ) യു. എസ്, പൗരൻ സ്വന്തമാക്കിയിരുന്നു.

നൂറു വർഷത്തിലധികം പഴക്കമുള്ള സ്വർണ്ണ നിറത്തിലുള്ള ആ കണ്ണട അതിന്റെ മൂല്യം തിരിച്ചറിഞ്ഞ് ഇന്ത്യയിലെത്തിച്ച് ഗവൺമെന്റ് ഉടമസ്ഥതയിലുള്ള മ്യുസിയത്തിൽ പൊതുജനങ്ങൾക്ക് കാണാൻ കഴിയുന്ന വിധത്തിൽ പ്രദർശിപ്പിക്കണമെന്ന് സംസ്ഥാന ചെയർമാൻ ഡോ : എം.സി ദിലീപ് കുമാർ , ജനറൽ സെക്രട്ടറി ഡോ: നെടുമ്പന അനിൽ എന്നിവർ നൽകിയ നിവേദനത്തിൽ ചൂണ്ടിക്കാട്ടി.