കസ്റ്റംസിനെതിരെ സർക്കാർ കോടതിയിലേക്ക്

കസ്റ്റംസ് കമ്മീഷണർ സുമിത് കുമാറിന് അഡ്വക്കറ്റ് ജനറൽ നോട്ടീസ് അയച്ചു. സ്വപ്നയുടെ രഹസ്യ മൊഴി വെളിപ്പെടുത്തിയെന്ന് കാട്ടിയാണ് നോട്ടീസ്. കോടതിയലക്ഷ്യ നടപടി ആവശ്യപ്പെട്ട് സി പി എം നേതാവ് കൂടിയായ കെ ജെ ജേക്കബ് ഒരു സാങ്ഷൻ പെറ്റീഷൻ എ.ജിക്ക് മുമ്പാകെ നൽകിയിരുന്നു. തുടർന്നാണ് എ.ജി കസ്റ്റംസ് കമ്മീഷ്ണർക്ക് നേട്ടീസ് അയച്ചിരിക്കുന്നത്.

സ്വപ്നയുടെ രഹസ്യ മൊഴി വെളിപ്പെടുത്തിയെന്നത് തന്നെയാണ് നോട്ടീസിലെ പ്രധാന വിഷയം. അന്വേഷണ ഉദ്യോഗസ്ഥർക്ക് മാത്രം നൽകാമെന്ന നിബന്ധനിയിലാണ് മൊഴിപ്പകർപ്പ് നൽകിയത്. എന്നാൽ ഇത് മാധ്യമങ്ങൾക്കുൾപ്പെടെ നൽകിയത് കോടതിയലക്ഷ്യമാണ്. അതുകൊണ്ട് കസ്റ്റംസ് കമ്മീഷ്ണർക്കെതിരെ കോടതിയലക്ഷ്യ നടപടി സ്വീകരിക്കണമെന്നാവശ്യപ്പെട്ടാണ് സാങ്ഷൻ പെറ്റീഷൻ നൽകിയത്. ഇതിലാണ് ഇപ്പോൾ എ.ജി കസ്റ്റംസ് കമ്മീഷ്ണർക്ക് നോട്ടീസയച്ചത്.