കൊച്ചിയിൽ ഫ്ലാറ്റിൽ നീന്നും വീണ വീട്ടുജോലിക്കാരി മരിച്ചു

കൊച്ചി: കൊച്ചിയിലെ ഫ്ലാറ്റിൽ നിന്നും വീണ് ഗുരുതര പരിക്കേറ്റ് ചികിത്സയിൽ കഴിഞ്ഞ വീട്ടുജോലിക്കാരി മരിച്ചു. സേ​ലം സ്വ​ദേ​ശി​നി കു​മാ​രി ആ​ണ് മ​രി​ച്ച​ത്. ഇന്ന് പുലർച്ചെ സ്വ​കാ​ര്യ ആ​ശു​പ​ത്രി​യി​ൽ​ വെച്ചാണ് മരിച്ചത്.

ഡി​സം​ബ​ർ നാ​ലി​നാ​ണ് കു​മാ​രി​യെ കൊ​ച്ചി​യി​ലെ മ​റൈ​ൻ ഡ്രൈ​വി​ലു​ള്ള ലി​ങ്ക് ഹൊ​റൈ​സ​ൻ ഫ്ലാറ്റിൽ നി​ന്നും വീ​ണ് ഗു​രു​ത​ര പ​രി​ക്കേ​റ്റ നി​ല​യി​ൽ ക​ണ്ടെ​ത്തി​യ​ത്. കു​മാ​രി​യു​ടെ ഭ​ർ​ത്താ​വ് ശ്രീ​നി​വാ​സ് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ഫ്ലാറ്റുടമ അ​ഭി​ഭാ​ഷ​ക​നാ​യ ഇം​ത്യാ​സ് അ​ഹ​മ്മ​ദി​നെ​തി​രെ പൊ​ലീ​സ് കേ​സെ​ടു​ത്തി​രു​ന്നു. വീ​ട്ടു ജോ​ലി​ക്കാ​രി​യാ​യി​രു​ന്ന കു​മാ​രി ഇം​ത്യാ​സി​ൽ നി​ന്നും 10,000 രൂ​പ അ​ഡ്വാ​ൻ​സാ​യി കൈ​പ്പ​റ്റി​യി​രു​ന്നു. പി​ന്നീ​ട് അ​ത്യാ​വ​ശ്യ​മാ​യി വീ​ട്ടി​ൽ പോ​ക​ണ​മെ​ന്ന് പ​റ​ഞ്ഞു​വെ​ങ്കി​ലും പ​ണം തി​രി​കെ ന​ൽ​കാ​തെ പോ​കാ​നാ​കി​ല്ലെ​ന്ന് ഇം​ത്യാ​സ് പ​റ​ഞ്ഞു​വെ​ന്നും. തു​ട​ർ​ന്ന് കു​മാ​രി​യെ ഇം​ത്യാ​സ് പൂ​ട്ടി​യി​ട്ടെ​ന്നും ഭ​ർ​ത്താ​വ് പ​രാ​തി​യി​ൽ വ്യ​ക്ത​മാ​ക്കി.

എ​ന്നാ​ൽ കു​മാ​രി​യെ പൂ​ട്ടി​യി​ട്ടി​ല്ലെ​ന്ന നി​ല​പാ​ടി​ലാ​ണ് ഇം​ത്യാ​സും ഭാ​ര്യ​യും. ഈ ​സാ​ഹ​ച​ര്യ​ത്തി​ൽ അ​ദ്ദേ​ഹ​ത്തെ വീ​ണ്ടും ചോ​ദ്യം ചെ​യ്യാ​നു​ള്ള തീ​രു​മാ​ന​ത്തി​ലാ​ണ് പൊ​ലീ​സ്.