ഇബ്രാഹിം കുഞ്ഞിന് ആശുപത്രിയിൽ തുടരാൻ അനുമതി

കൊച്ചി: പാലാരിവട്ടം അഴിമതിക്കേസിൽ അറസ്റ്റിലായ മുൻ മന്ത്രി ഇബ്രാഹിം കുഞ്ഞിന് സ്വകാര്യ ആശുപത്രിയിൽ തുടരാൻ അനുമതി. മൂവാറ്റുപുഴ വിജിലൻസ് കോടതിയിൽ എറണാകുളം ഡി.എം.ഒ നൽകിയ മെഡിക്കൽ റിപ്പോർട്ടിൻറെ അടിസ്ഥാനത്തിലാണ് കോടതി തീരുമാനം.

ഇബ്രാഹീംകുഞ്ഞിന് ഗു​രു​ത​ര ആരോ​ഗ്യ​പ്ര​ശ്​​ന​ങ്ങ​ളു​ള്ള​താ​യാണ് കോടതിയിൽ സമർപ്പിച്ച വൈ​ദ്യ​പ​രി​ശോ​ധ​ന റി​പ്പോ​ർ​ട്ടിൽ പറയുന്നത്. അ​സ്ഥി​യെ​യും മ​ജ്ജ​യെ​യും ബാ​ധി​ക്കു​ന്ന മ​ൾ​ട്ടി​പ്പി​ൾ മൈ​ലോ​മ എ​ന്ന ഗു​രു​ത​ര അ​ർ​ബു​ദം ബാ​ധി​ച്ചിരിക്കുകയാണ്. ഏ​പ്രി​ൽ നാ​ലു​മു​ത​ൽ ഈ ​മാ​സം 14 വ​രെ 33 ത​വ​ണ ആ​ശു​പ​ത്രി​യി​ൽ കി​ട​ന്ന്​ ചി​കി​ത്സി​ച്ചു. കീ​മോ​തെ​റ​പ്പി ചെ​യ്യു​ന്നു​ണ്ട്.

പ്ര​മേ​ഹ​ത്തി​നും ഹൃ​ദ​യ​സം​ബ​ന്ധ​മാ​യ അ​സു​ഖ​ത്തി​നും ചി​കി​ത്സി​ക്കു​ന്നു​ണ്ട്. ഉ​യ​ർ​ന്ന ര​ക്ത​സ​മ്മ​ർ​ദ​മു​ള്ള​തി​നാ​ൽ ഡോ​ക്ട​ർ​മാ​രു​ടെ സേ​വ​നം എ​പ്പോ​ഴും ആ​വ​ശ്യ​മാ​ണെ​ന്നും ക​സ്​​റ്റ​ഡി​യി​ൽ ചോ​ദ്യം ചെ​യ്യു​മ്പോഴും വേ​റെ ആ​ശു​പ​ത്രി​യി​ലേ​ക്ക് മാ​റ്റു​മ്പോവും അ​ണു​ബാ​ധ​ക്ക്​ സാ​ധ്യ​ത​യു​ണ്ടെ​ന്നും റി​പ്പോ​ർ​ട്ടി​ലു​ണ്ട്.