തിരുവനന്തപുരത്ത് അച്ഛന് നേരെ മകൻ വെടിയുതിർത്തു

തിരുവനന്തപുരത്ത് വെഞ്ഞാറമൂട് മകൻ അച്ഛന് നേരെ വെടിയുതിർത്തു. കുടുംബ വഴക്കിനിടെയാണ് സംഭവം നടന്നത്. മുതാക്കൽ കോട്ടുക്കുന്നം സ്വദേശി സുകുമാരപ്പിള്ളയെയാണ് മകൻ ദിലീപ് എയർ ഗൺ ഉപയോഗിച്ച് വെടിവച്ചത്. കൈയ്ക്ക് പരുക്കേറ്റ സുകുമാരപ്പിള്ളയെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സംഭവത്തിന് ശേഷം ദിലീപ് ഒളിവിൽ പോയി. ഇയാൾക്കായുള്ള തെരച്ചിൽ നടക്കുന്നതായി പൊലീസ് അറിയിച്ചു.