ടോക്കിയോ: ജപ്പാന്‍ പ്രധാനമന്ത്രി ഷിന്‍സോ ആബെ രാജിക്കൊരുങ്ങുന്നതായി റിപ്പോര്‍ട്ട്. ആരോഗ്യപരമായ കാരണങ്ങള്‍ കൊണ്ടാണ് അദ്ദേഹം രാജിവെക്കുന്നതെന്നും ജാപ്പനീസ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. ആബെയുടെ വാര്‍ത്താസമ്മേളനം നടക്കാന്‍ മണിക്കൂറുകള്‍ മാത്രം ശേഷിക്കെയാണ് രാജിവാര്‍ത്ത പുറത്ത് വന്നത്. ആരോഗ്യം മോശമായതിനെ തുടര്‍ന്ന് ആബെ രാജിവെക്കാന്‍ ഒരുങ്ങുകയാണെന്ന് ജപ്പാനിലെ ടെലിവിഷന്‍ ചാനലായ എന്‍.എച്ച്‌.കെയാണ് റിപ്പോര്‍ട്ട് ചെയ്തത്. കഴിഞ്ഞയാഴ്ച രണ്ട് തവണയാണ് അസുഖത്തെ തുടര്‍ന്ന് ആബെ ആശുപത്രിയില്‍ ചികല്‍സ തേടിയത്. ഇന്ന് വൈകീട്ട് അഞ്ച് മണിക്കാണ് ആബെയുടെ വാര്‍ത്താ സമ്മേളനം നടക്കുന്നത്.
അവിശ്വസനീയ ഓഫറുകളുമായി ഗോദ്രെജ് ഇൻ്റീരിയോ
© 2019 IBC Live. Developed By Web Designer London
