നിയമസഭാ തെരഞ്ഞെടുപ്പിൽ ലീഗിന് കൂടുതൽ സീറ്റ് നൽകണമെന്നല്ല താൻ പറഞ്ഞതെന്ന് കെ മുരളീധരൻ എം പി. മുന്നണി വിട്ട് പോയ ഘടകകക്ഷികളുടെ സീറ്റുകൾ വീതം വയ്ക്കുമ്പോൾ മുസ്ലിം ലീഗിനെ കൂടി ഉൾപ്പെടുത്തണ . നിയമസഭാ തെരഞ്ഞെടുപ്പിൽ യു.ഡി.എഫ് അധികാരത്തിലെത്തുമെന്നും മുരളീധരൻ കോഴിക്കോട് പറഞ്ഞു.
കേരള കോൺഗ്രസ് എമ്മിൻറെ സീറ്റ് വീതം വെക്കുമ്പോൾ ലീഗിനെയും പരിഗണിക്കണമെന്ന് കെ മുരളീധരൻ ആവശ്യപ്പെട്ടിരുന്നു. മുന്നണിയിൽ നിന്ന് വിട്ടുപോയ പാർട്ടികളുടെ സീറ്റ് വീതം വെക്കുമ്പോൾ ലീഗിന് പ്രാതിനിധ്യം ഉണ്ടാകണമെന്നാണ് മുരളീധരൻറെ പക്ഷം. ഇതിനിടെ കോഴിക്കോട് ജില്ലയിൽ അധികമായി രണ്ട് സീറ്റുകൾ വാങ്ങണമെന്ന് മുസ്ലിം ലീഗ് ജില്ലാ കമ്മിറ്റി സംസ്ഥാന കമ്മിറ്റിയോട് ഔദ്യോഗികമായി ആവശ്യപ്പെട്ടിരുന്നു.
© 2019 IBC Live. Developed By Web Designer London
