ക്രിസ്ത്യൻ സമുദായത്തിനൊപ്പം ബിജെപിയുണ്ടാകുമെന്ന് കെ സുരേന്ദ്രൻ

ലൗ ജിഹാദ് വിവാദങ്ങളിൽ ക്രിസ്ത്യൻ സമുദായത്തിനൊപ്പം ബിജെപിയുണ്ടാകുമെന്ന് സംസ്ഥാന അധ്യക്ഷൻ കെ.സുരേന്ദ്രൻ. ലൗ ജിഹാദ് ഉണ്ടെന്ന് പരസ്യമായി സമ്മതിച്ച ജോർജ് എം.തോമസിനെ ഭീഷണിപ്പെടുത്തി മാറ്റിപ്പറയിപ്പിച്ച സിപിഐഎം തീവ്രവാദികൾക്ക് മുമ്പിൽ മുട്ടിലിഴയുകയാണ്. നിലപാട് മാറ്റിയില്ലെങ്കിൽ പാർട്ടിക്കു പുറത്തുപോവേണ്ടിവരും എന്ന സന്ദേശമാണ് സത്യം തുറന്ന് പറഞ്ഞ ജോർജ് എം.തോമസിന് പാർട്ടി നൽകിയത്. കേരളത്തിലെ ക്രൈസ്ത ന്യൂനപക്ഷങ്ങളുടെ ആശങ്ക പുറംകാൽ കൊണ്ട് തട്ടിക്കളയുകയാണ് സിപിഎം. ക്രൈസ്തവ സമൂഹം കമ്യൂണിസ്റ്റുകാർക്ക് ഇപ്പോഴും രണ്ടാംതരം പൗരന്മാരാണെന്നും സുരേന്ദ്രൻ പറഞ്ഞു. പാല ബിഷപ്പിനെതിരെ ഏറ്റവും കൂടുതൽ വിഷം തുപ്പിയത് സിപിഐഎമ്മുകാരായിരുന്നു. ക്രിസ്ത്യൻ സമൂഹത്തിന്റെ ആശങ്കകൾ പങ്കുവെക്കാൻ ബിജെപിയുണ്ടാകും. രാജ്യദ്രോഹ ശക്തികളെ തുറന്ന് കാണിക്കാൻ ബിജെപി പോരാടുമെന്നും സുരേന്ദ്രൻ പറഞ്ഞു.