തിരുവനന്തപുരം : കേരളത്തിന് മൂന്ന് പ്രത്യേക തീവണ്ടികള്‍ അനുവദിച്ചേക്കും. ഡല്‍ഹി, ചെന്നൈ എന്നിവിടങ്ങളിലേക്ക് സര്‍വീസ് നടത്തുന്ന തിരുവനന്തപുരം-ഡല്‍ഹി കേരള എക്സ്പ്രസും തിരുവനന്തപുരം-ചെന്നൈ, മംഗളൂരു-ചെന്നൈ മെയിലുകളുമാണ് അനുവദിക്കാന്‍ സാധ്യത. ഈ തീവണ്ടികള്‍ അടുത്ത ആഴ്ച മുതല്‍ സര്‍വീസ് ആരംഭിച്ചേക്കും. ഇത് സംബന്ധിച്ച ഉത്തരവ് ഉടന്‍ ഇറങ്ങും. രാജ്യത്ത് 86 പ്രത്യേക തീവണ്ടികള്‍ അനുവദിച്ചപ്പോള്‍ കേരളത്തിന് ഒന്നുപോലും ലഭിച്ചില്ലെന്ന് പരാതി ഉയര്‍ന്നിരുന്നു.
സംസ്ഥാനത്തിനകത്ത് ഓടുന്ന ജനശതാബ്ദിയും വേണാടും റദ്ദാക്കിയിരുന്നു. ഈ തീരുമാനവും വിവാദമായി. പരാതിയെ തുടര്‍ന്ന് റദ്ദാക്കല്‍ പിന്‍വലിച്ചെങ്കിലും പുതിയ തീവണ്ടികള്‍ അനുവദിച്ചിരുന്നില്ല. സംസ്ഥാനം ആവശ്യപ്പെടുകയും 25 ശതമാനത്തിലേറെ യാത്രക്കാരുണ്ടാവുകയും ചെയ്താല്‍ കൂടുതല്‍ തീവണ്ടികള്‍ ഓടിക്കാമെന്ന നിലപാടിലാണ് റെയില്‍വേ. സംസ്ഥാനം ആവശ്യപ്പെട്ടാല്‍ തീവണ്ടികള്‍ക്ക് കൂടുതല്‍ സ്റ്റോപ്പുകള്‍ അനുവദിക്കാമെന്നും റെയില്‍വേ വ്യക്തമാക്കുന്നു.
© 2019 IBC Live. Developed By Web Designer London
