യു.ഡി.എഫ് ജില്ലാ ചെയര്‍മാന്‍ സ്ഥാനം ഉള്‍പ്പടെ മുഴുവന്‍ പാര്‍ട്ടി പദവികളില്‍ നിന്നും രാജിവെക്കാന്‍ എം.സി ഖമറുദ്ദീന്‍ ഒരുങ്ങുന്നു. ഫാഷന്‍ ഗോള്‍ഡ് നിക്ഷേപ വിവാദത്തെ തുടര്‍ന്നാണ് രാജി തീരുമാനം. എംഎല്‍എ സ്ഥാനം ഒഴികെയുള്ള മുഴുവന്‍ പദവികളും രാജിവെക്കാനാണ് തീരുമാനം. മഞ്ചേശ്വരം എംഎല്‍എയാണ് എം.സി ഖമറുദ്ദീന്‍. നിക്ഷേപകരുടെ പരാതി പരിശോധിച്ച്‌ പരിഹാരം കണ്ടെത്താന്‍ ജില്ലാ ലീഗ് നേതാക്കള്‍ രംഗത്ത് എത്തിയിട്ടുണ്ട്. ഫാഷന്‍ ഗോള്‍ഡിന്‍റെ ആസ്തികള്‍ ഏറ്റെടുത്ത് നിക്ഷേപകര്‍ക്ക് പണം തിരിച്ച്‌ നല്‍കി പ്രശ്നം പരിഹരിക്കാനാണ് നീക്കം. നിക്ഷേപ വിവാദത്തില്‍ ചെയര്‍മാനെതിരെ വ്യാപക പരാതി ഉയര്‍ന്നിട്ടും ഫാഷന്‍ ഗോള്‍ഡിന്‍റെ ഫൗണ്ടര്‍ ഡയറക്ടര്‍മാര്‍ മൗനം പാലിക്കുന്നതായും ആക്ഷേപമുണ്ട്.
© 2019 IBC Live. Developed By Web Designer London
