മോഡലുകളുടെ മരണം; പരാതിയുമായി അഞ്ജന ഷാജൻ്റെ കുടുംബം

കൊച്ചിയിൽ മോഡലുകളുടെ മരണത്തിൽ വിശദമായ അന്വേഷണം ആവശ്യപ്പെട്ട് അഞ്ജന ഷാജൻ്റെ കുടുംബം. അപകടത്തിൽ നമ്പർ 18 ഹോട്ടലുടമ റോയ് വയലാട്ടിൻ്റെയും വാഹനമോടിച്ച സൈജുവിൻ്റെയും പങ്ക് അന്വേഷിക്കണമെന്നാണ് കുടുംബത്തിൻ്റെ ആവശ്യം. അപകടം നടന്ന രാത്രി എന്താണ് സംഭവിച്ചതെന്ന് അറിയണമെന്ന് അഞ്ജനയുടെ സഹോദരൻ അർജുൻ പറഞ്ഞു.

വിശദമായ അന്വേഷണം വേണമെന്നാവശ്യപ്പെട്ട് അഞ്ജനയുടെ കുടുംബം കൊച്ചി സിറ്റി പൊലീസ് കമ്മിഷണർക്ക് പരാതി നൽകി. സൈജു പിന്തുടർന്നതിലും വിശദമായ അന്വേഷണം വേണം. അഞ്ജനയുടെ കുടുംബത്തിന്റെ മൊഴി അന്വേഷണ സംഘം രേഖപ്പെടുത്തി. അഞ്ജന ഷാജൻ്റെയും അൻസി കബീറിൻ്റെയും അപകട മരണവുമായി ബന്ധപ്പട്ട് ഡി ജെ പാർട്ടികളിൽ നിരീക്ഷണം ശക്തമാക്കിയിരിക്കുകയാണ് എക്‌സൈസ്