‘തക്ക പ്രതിഫലം കിട്ടിയാൽ എന്തും ചെയ്യും’; ലോകായുക്തയ്‌ക്കെതിരെ കെ.ടി ജലീൽ

ലോകായുക്ത ജസ്റ്റിസ് സിറിയക് ജോസഫിനെതിരെ ഗുരുതര ആരോപണവുമായി മുൻ മന്ത്രി കെ.ടി ജലീൽ. തക്ക പ്രതിഫലം കിട്ടിയാൽ സിറിയക് എന്തു കടുംകൈയും ആർക്കുവേണ്ടിയും ചെയ്യുമെന്ന് ജലീൽ ആരോപിച്ചു. സിറിയക് ജോസഫിൻ്റെ സഹോദര ഭാര്യയ്ക്ക് വി സി നിയമനം ലഭിച്ചതിൽ ദുരൂഹതയുണ്ട്. യു.ഡി.എഫ് നേതാവിനെ രക്ഷിക്കാൻ ബന്ധുവിന് വി സി പദവി പ്രതിഫലമായി വാങ്ങിക്കൊടുത്തു. പിണറായി സർക്കാരിനെ പിന്നിൽ നിന്ന് കുത്താൻ യുഡിഎഫ് കണ്ടെത്തിയ കത്തിയാണ് ഇതെന്നും ജലീൽ ഫേസ്ബുക്കിൽ ആരോപിച്ചു.