മാധ്യമ പ്രവർത്തകർക്കെതിരെയുള്ള അക്രമം ദൗർഭാഗ്യകരമെന്ന് കെയുഡബ്ല്യുജെ

മാധ്യമ പ്രവർത്തകർക്കെതിരെയുള്ള അക്രമം ദൗർഭാഗ്യകരമെന്ന് കെയുഡബ്ല്യുജെ സംസ്ഥാന ജനറൽ സെക്രട്ടറി ഇ.എസ്.സുഭാഷ്. ജോലി ചെയ്യുന്ന മാധ്യമപ്രവർത്തകരെ ആക്രമിക്കുകയെന്നത് ജനാധിപത്യത്തിന് തന്നെ നാണക്കേട് ആണ്. കൊച്ചിയിൽ വച്ചും കഴിച്ച ദിവസം മാധ്യമ പ്രവർത്തകർക്ക് നേരെ ബിജെപിയുടെ ഭാഗത്ത് നിന്ന് ഇത്തരം പ്രവണതകളുണ്ടായി. മാധ്യമ പ്രവർത്തകരെ വിലക്കുകയെന്നത് ബിജെപിയുടെ സ്ഥിരം പരിപാടിയായി മാറിയിരിക്കുകയാണ്. ഇത് തീർത്തും അപലപനീയമാണ്. കുറ്റക്കാർക്കെതിരെ കർശന നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. സംഭവത്തിൽ പത്രപ്രവർത്തക യൂണിയൻ മുഖ്യമന്ത്രിക്കും ഡിജിപിക്കും പരാതിയിൽ നൽകും. ബിജെപി ഈ തെറ്റു തിരുത്തിയില്ലെങ്കിൽ വ്യത്യസ്തമായ സമരവുമായി മുന്നോട്ട് പോകുമെന്നും ഇ.എസ്.സുഭാഷ് അറിയിച്ചു.