ലാസ്റ്റ് ​ഗ്രേഡ് ഉദ്യോ​ഗാർഥികൾ സമരം അവസാനിപ്പിച്ചു

ലാസ്റ്റ് ഗ്രേഡ് ഉദ്യോഗാർഥികൾ സമരം അവസാനിപ്പിച്ചു. മന്ത്രി എ കെ ബാലനുമായി നടത്തിയ ചർച്ചയിൽ അനുകൂല സമീപനമുണ്ടായെന്ന് ഉദ്യോഗാർഥികൾ പറഞ്ഞു. എൽജിഎസ് റാങ്ക് ലിസ്റ്റിൽ നിന്ന് നിയമനം നടത്തുമെന്ന് ഉറപ്പ് ലഭിച്ചു. ജോലി സമയം കുറച്ച് തസ്തിക സൃഷ്ടിക്കാമെന്ന് സർക്കാർ ഉറപ്പ് നൽകി. തെരഞ്ഞെടുപ്പ് കമ്മീഷൻറെ അനുമതിയോടെ ഉത്തരവിറക്കുമെന്ന് മന്ത്രി ഉറപ്പ് നൽകിയെന്ന് ഉദ്യോഗാർഥികൾ അറിയിച്ചു.

അതേസമയം സിപിഒ ഉദ്യോഗാർഥികൾ സമരം തുടരും. രേഖാമൂലം ഉറപ്പ് ലഭിക്കണമെന്നാണ് അവരുടെ ആവശ്യം.