തൃക്കാക്കരയിലെ എന്‍ഡിഎ സ്ഥാനാര്‍ത്ഥി എ എന്‍ രാധാകൃഷ്ണനുവേണ്ടിയുള്ള പ്രചാരണത്തില്‍ സജീവമാകുമെന്ന് ശോഭാ സുരേന്ദ്രന്‍. ഒരു വര്‍ഷത്തോളമായി ബിജെപി സംസ്ഥാന നേതൃത്വവുമായി ഇടഞ്ഞുനിന്നിരുന്ന ശോഭ സുരേന്ദ്രന്‍ ഇന്ന് നടക്കുന്ന ബിജെപി സംസ്ഥാന ഭാരവാഹിയോഗത്തില്‍ പങ്കെടുക്കാന്‍ കൊച്ചിയില്‍ എത്തിയപ്പോഴായിരുന്നു പ്രതികരണം. വികസനം ചര്‍ച്ചയായാല്‍ തൃക്കാക്കരയില്‍ എല്‍ഡിഎഫിന്റെ കാറ്റ് പോകുമെന്ന് ശോഭ സുരേന്ദ്രന്‍ പരിഹസിച്ചു.
എഎന്‍ രാധാകൃഷ്ണന് താമര ചിഹ്നത്തില്‍ വോട്ടുചെയ്യണമെന്ന് അഭ്യര്‍ത്ഥിക്കാനാണ് താന്‍ തൃക്കാക്കരയില്‍ വന്നതെന്ന് ശോഭ സുരേന്ദ്രന്‍ വ്യക്തമാക്കി. താന്‍ എവിടെയും പോയിട്ടില്ലെന്നും ഇവിടെത്തന്നെയുണ്ടെന്നും ശോഭ സുരേന്ദ്രന്‍ മാധ്യമങ്ങളുടെ ചോദ്യങ്ങള്‍ക്ക് മറുപടിയായി വ്യക്തമാക്കി. കെ സുരേന്ദ്രന്റെ കാലാവധി അവസാനിക്കാന്‍ ഇനി മാസങ്ങള്‍ മാത്രമാണ് ബാക്കിയുള്ളത്. സംസ്ഥാന പ്രസിഡന്റ് സ്ഥാനത്ത് സുരേന്ദ്രന്‍ ഇനി തുടരാന്‍ ഇടയില്ലെന്ന വിലയിരുത്തലുകള്‍ പുറത്തുവരുന്ന പശ്ചാത്തലത്തിലാണ് ശോഭ ബിജെപി വേദിയില്‍ തിരിച്ചെത്തുന്നതെന്നാണ് സൂചന.
അവിശ്വസനീയ ഓഫറുകളുമായി ഗോദ്രെജ് ഇൻ്റീരിയോ
© 2019 IBC Live. Developed By Web Designer London
