ഇരട്ട വോട്ടർമാരുടെ ലിസ്റ്റ് പുറത്ത് വിട്ട് പ്രതിപക്ഷ നേതാവ്

ഇരട്ടവോട്ടുള്ളവരുടെ പൂര്‍ണവിവരങ്ങള്‍ പുറത്തുവിട്ട് പ്രതിപക്ഷ നേതാവ് ചെന്നിത്തല. ഇന്ന് രാത്രി ഒന്‍പത് മണിക്ക് വെബ്സൈറ്റ് വഴി വിവരങ്ങള്‍ പുറത്തുവിടുമെന്നാണ് രമേശ് ചെന്നിത്തല രാവിലെ മാധ്യമങ്ങളോട് പറഞ്ഞത്. നാലുലക്ഷത്തി മുപ്പത്തിനാലായിരം വ്യാജ വോട്ടര്‍മാരുണ്ടെന്നും ആരോപിച്ചിരുന്നു.

www.operationtwins.com എന്ന വെബ്‌സൈറ്റിലൂടെയാണ് വിവരങ്ങള്‍ പങ്കുവെച്ചിരിക്കുന്നത്. നാല് ലക്ഷത്തില്‍പ്പരം ഇരട്ടവോട്ടുകൾ വെബ്സൈറ്റില്‍ പ്രസിദ്ധപ്പെടുത്തിയിട്ടുണ്ട്. ഓരോ മണ്ഡലത്തിലെയും വോട്ടുകൾ പ്രത്യേകമായി സൈറ്റിൽ രേഖപ്പെടുത്തിയിട്ടുണ്ട്.