ലീ​ഗിൽ ഉയർന്നുവന്നിട്ടുള്ള ച‍ർച്ചകൾ പാർട്ടിക്ക് ​ഗുണം ചെയ്യും: എം കെ മുനീർ

മുസ്‌ലിം ലീഗിൽ ഇപ്പോൾ ഉയർന്നുവന്നിട്ടുള്ള ചർച്ചകൾ പാർട്ടിക്ക് ഗുണം ചെയ്യുമെന്ന് ഡോ. എം കെ മുനീർ എം എൽ എ. പാർട്ടിയിൽ ജനാധിപത്യത്തിന് യാതൊരു പോറലുമേറ്റിട്ടില്ല. പാർട്ടി ഒരു വ്യക്തിയിലേക്ക് ചുരുങ്ങിയിട്ടില്ലെന്ന് തെളിയിക്കുന്നതാണ് കഴിഞ്ഞ ദിവസം നടന്ന യോഗം.
നല്ല രീതിയാണ് ഉന്നതാധികാര സമിതി യോഗം ചേർന്നതെന്നും മുനീർ പറഞ്ഞു.

ചന്ദ്രികയിൽ ചില പ്രതിസന്ധികളുണ്ടെന്നത് വസ്തുതയാണ്. കോവിഡ് സാഹചര്യത്തിൽ പല മാധ്യമസ്ഥാപനങ്ങളിലും പ്രതിസന്ധിയുണ്ട്. അതുപോലെ തന്നെയാണ് ചന്ദ്രികയുടെ കാര്യവും. അത് പരിഹരിക്കുന്നതിനായി നടപടികൾ സ്വീകരിക്കും. പാർട്ടി ഒരിക്കലും ചന്ദ്രികയെ കൈവിടില്ലെന്നും മുനീർ വ്യക്തമാക്കി.