ഡോളർക്കടത്ത് കേസിൽ എം ശിവശങ്കറിന് ജാമ്യം

ഡോളർക്കടത്ത് കേസിൽ എം ശിവശങ്കറിന് ജാമ്യം. സാമ്പത്തിക കുറ്റകൃത്യങ്ങൾക്കുള്ള കോടതിയാണ് ജാമ്യം അനുവദിച്ചത്. നേരത്തെ സ്വർണക്കടത്ത് കേസിലും കോടതി ശിവശങ്കറിന് ജാമ്യം നൽകിയിരുന്നു. കാക്കനാട് ജില്ലാ ജയിലിലായിരുന്നു ശിവശങ്കർ. കോടതി നടപടികൾ പൂർത്തിയാക്കി ഇന്ന് ഉച്ച കഴിഞ്ഞ് 3 മണിയോടെയാണ് ജയിൽ മോചിതനായത്. 98 ദിവസത്തിന് ശേഷമാണ് പുറത്തിറങ്ങിയത്. ജയിലിൽ ഇന്ന് പുറത്തിറങ്ങിയ അദ്ദേഹം, മാധ്യമങ്ങളോട് പ്രതികരിച്ചില്ല.

കസ്റ്റംസിന്റെ ഭാഗത്തു നിന്ന് ജാമ്യം നൽകുന്നതിനെതിരെ ശക്തമായ വാദങ്ങളുണ്ടായില്ല. തനിക്കെതിരെ മറ്റു പ്രതികളുടെ മൊഴികളല്ലാതെ മറ്റു തെളിവുകൾ ഇല്ല എന്നായിരുന്നു ശിവശങ്കറിന്റെ വാദം.