പാലായിൽ യു.ഡി.എഫ് പൊതു സമ്മതനായി മാണി സി കാപ്പൻ മത്സരിക്കാൻ സാധ്യത

നിയമസഭാ തെരഞ്ഞെടുപ്പിൽ യു.ഡി.എഫ് പൊതു സമ്മതനായി മാണി സി കാപ്പൻ പാലായിൽ മത്സരിക്കാൻ സാധ്യതയുണ്ടെന്ന് പി.ജെ ജോസഫ്. കാപ്പൻ ജോസഫ് വിഭാഗം സ്ഥാനാർഥിയാകുന്ന കാര്യം പി.ജെ ജോസഫ് തള്ളിയില്ല.

ജോസഫ് വിഭാഗം 13 സീറ്റുകൾ യു.ഡി.എഫിൽ ആവശ്യപ്പെട്ടിട്ടുണ്ടെന്നും തളിപറമ്പും, ആലത്തൂരും സീറ്റുകൾ വേണ്ടെന്നും പി.ജെ ജോസഫ് പറഞ്ഞു. പാല സീറ്റിനെ ചൊല്ലി എൻ.സി.പിയിൽ തർക്കം മുറുകുന്നതിനിടെയാണ് പിജെ ജോസഫിന്റെ പ്രതികരണം.