മാതൃക കൃഷിത്തോട്ടം പദ്ധതിക്ക് തുടക്കം കുറിച്ചു

ഏ ആർ നഗർ സർവീസ് സഹകരണ ബാങ്കിന്റെ കീഴിൽ നടപ്പാക്കുന്ന മാതൃക കൃഷിത്തോട്ടം പദ്ധതിക്ക് പുകയൂർ പൊറ്റാനിൽ പാടത്തു തുടക്കമായി. പഞ്ചായത്ത് പ്രസിഡന്റ് ലിയാക്കത് അലി, സർവീസ് സഹകരണ ബാങ്ക് പ്രസിഡന്റ് ഏ പി അബ്ദുൽ അസീസ് തിരുരങ്ങാടി അസിസ്റ്റന്റ് റെജിസ്ട്രർ പ്രേമരാജൻ തുടങ്ങിയവർ ചേർന്ന് വിത്തിടൽ കർമ്മം നിർവ്വഹിച്ചു. ബാങ്കിന്റെ കീഴിൽ ആധുനിക സൗകര്യങ്ങളോടെ നടപ്പാക്കുന്ന കൃഷിത്തോട്ടം ഒന്നര ഏക്കർ പാടത്താണ് ഒരുക്കിയിരിക്കുന്നത്. ബാങ്ക് സെക്രട്ടറി പി വിജയ്, വൈസ് പ്രസിഡന്റ് ആലസ്സൻകുട്ടി, യൂണിറ്റ് ഇൻസ്‌പെക്ടർ സജിത്ത്, അസിസ്റ്റന്റ് സെക്രട്ടറി മുജീബ് കെ, ബ്ലോക്ക് പഞ്ചായത്ത് മെമ്പർ പി കെ അബ്ദുൽ റഷീദ് , പഞ്ചായത്ത് മെമ്പർമാരായ ഇബ്രാഹിം , ജാബിർ , ബാങ്ക് ഡയറക്ടർമാർ ആയ അബ്ദുൽ ലത്തീഫ് കെ ടി, കുഞ്ഞുമുഹമ്മദ് ഷരത്‌, സിദ്ധീഖ്, പി വി മുനീർ, ഇന്ദിര, അനിൽ പി, പൊതുപ്രവർത്തകരായ സി കെ മുഹമ്മദ് ഹാജി ,ഇബ്രാഹിം കുട്ടി ഇ കെ, കാവുങ്ങൽ അബ്ദുറഹിമാൻ, പാടശേഖര കമ്മിറ്റി സെക്രട്ടറി നാരായൺ ഉണ്ണി പിന്നെ ബാങ്ക് ജീവനക്കാരും ചടങ്ങിന് നേതൃത്വം നൽകി.