തൊഴിൽ തട്ടിപ്പിൽ സരിതക്കെതിരെ കൂടുതൽ തെളിവുകൾ പുറത്ത്

തൊഴിൽ തട്ടിപ്പിൽ സരിതക്കെതിരെ കൂടുതൽ തെളിവുകൾ പുറത്ത്. വിവാദമുണ്ടായതിന് പിന്നാലെ പരാതിക്കാരന് സരിത 50,000 രൂപ തിരിച്ച് നൽകി. ഇതിനായി സരിത സ്വന്തം അക്കൗണ്ട് നമ്പർ നൽകി. പണം നിക്ഷേപിച്ചതിൻറെ തെളിവ് സരിത വാട്സ്ആപ്പിലൂടെ നൽകി. ഈ ചാറ്റുകളാണ് ഇപ്പോൾ പുറത്തായത്.

പാർട്ടിക്ക് ഫണ്ട് സ്വരൂപിക്കാനാണ് തൊഴിൽതട്ടിപ്പെന്ന് വെളിപ്പെടുത്തുന്ന സരിത എസ്. നായരുടെ ശബ്ദരേഖ ഇന്ന് പുറത്തുവന്നിരുന്നു. എന്നാൽ ശബ്ദരേഖ തൻറേതല്ലെന്നും പിന്നിൽ ഗൂഢാലോചനയെന്നുമായിരുന്നു സരിത പ്രതികരിച്ചത്. സരിത കള്ളം പറയുകയാണെന്ന് കേസിലെ പരാതിക്കാരൻ അരുൺ പറഞ്ഞു.

തൊഴിൽ തട്ടിപ്പ് കേസിലെ പരാതിക്കാരൻ അരുണും പ്രതി സരിതയും തമ്മിൽ നടത്തിയെന്ന് കരുതുന്ന ഫോൺ സംഭാഷണത്തിൻറെ കൂടുതൽ ഭാഗങ്ങളാണ് പുറത്ത് വന്നത്. തട്ടിപ്പിൽ ഇടനിലക്കാരിയായത് പാർട്ടിക്ക് ഗുണമാകാൻ വേണ്ടിയെന്ന് സരിത പറയുന്നുണ്ട്. ഫണ്ട് സ്വരൂപിക്കലാണ് പ്രധാന ലക്ഷ്യം.