ബിജെപിയിലേക്ക് കടന്നുവരുന്നവരിൽ ഭൂരിഭാഗവും സിപിഎമ്മിൽ നിന്നാണെന്ന് കെ സുരേന്ദ്രൻ

ബിജെപിയിലേക്ക് കടന്നുവരുന്നവരിൽ ഭൂരിഭാഗവും സിപിഎമ്മിൽ നിന്നാണെന്ന് സംസ്ഥാന അധ്യക്ഷൻ കെ സുരേന്ദ്രൻ. എൽഡിഎഫും യുഡിഎഫും സ്ഥാനാർഥികളെ പ്രഖ്യാപിക്കുന്നതിന് മുമ്പ് ബിജെപി സ്ഥാനാർഥി പട്ടിക പുറത്ത് വിടുമെന്ന് കെ സുരേന്ദ്രൻ. ഭരണപക്ഷവും പ്രതിപക്ഷവും അഴിമതിയിൽ മുങ്ങിയിരിക്കുകയാണ്. കഴിഞ്ഞ ദിവസമാണ് തെരഞ്ഞെടുപ്പ് പ്രഖ്യാപനം വന്നത്.

ബിജെപി സംസ്ഥാനദ്ധ്യക്ഷൻ കെ സുരേന്ദ്രൻ നയിക്കുന്ന വിജയ യാത്രക്കിടെയായിരുന്നു പ്രഖ്യാപനം. അതുകൊണ്ട് തന്നെ യാത്ര നിർത്തിവെച്ചുകൊണ്ട് സ്ഥാനാർഥി നിർണയം നടത്താൻ ആലോചിച്ചിരുന്നു.

എന്നാൽ ഈ തീരുമാനം പിന്നീട് മാറ്റി. സ്ഥാനാർഥി പ്രഖ്യാപനത്തിന് മുമ്പ് തന്നെ സ്ഥാനാർഥി നിർണയമുണ്ടാകുമെന്നാണ് സുരേന്ദ്രൻ വ്യക്തമാക്കിയിരിക്കുന്നത്. ഒപ്പം എൻഡിഎ ഘടക കക്ഷികളുമായും സീറ്റ് നിർണയത്തെക്കുറിച്ചുള്ള ചർച്ചകളും പൂർത്തിയാക്കേണ്ടതുണ്ട്. ബി.ഡി.ജെ.എസിന് ഒരുപക്ഷേ കൂടുതൽ സീറ്റുകൾ നൽകാനുള്ള സാധ്യതയും കാണുന്നുണ്ട്.