സെക്കന്തരാബാദ്‌ : നഴ്സിനെ ഹോസ്റ്റല്‍ മുറിയില്‍ മരിച്ച നിലയില്‍ കണ്ടെത്തി. ആത്മഹത്യ ചെയ്തതെന്നാണ് പ്രാഥമിക നിഗമനം. സെക്കന്തരാബാദിലെ സ്വകാര്യ ആശുപത്രിയിലെ നഴ്സാണ് മരിച്ചത്. നല്‍ഗൊണ്ട സ്വദേശിയായ സൗന്ദര്യയാണ് മരിച്ചതെന്ന് മാര്‍ക്കറ്റ് പൊലീസ് അറിയിച്ചു. 25 കാരിയായ സൗന്ദര്യ നാലു വര്‍ഷമായി ഇതേ ആശുപത്രിയില്‍ ജോലി നോക്കുകയാണ്. സെക്കന്തരാബാദിലെ ആശുപത്രി ഹോസ്റ്റലിലാണ് നഴ്സ് കഴിഞ്ഞുവന്നത്.
അനസ്തേഷ്യയെ സമാനമായ ദ്രാവകമോ കുത്തിവെച്ചാണ് മരിച്ചതെന്നാണ് പൊലീസ് പറയുന്നത്. കഴിഞ്ഞദിവസം രാത്രി ഏഴുമണിയോടെയാണ് ഹോസ്റ്റല്‍ മുറിയില്‍ ഇവരെ മരിച്ച നിലയില്‍ കണ്ടെത്തിയത്. ആശുപത്രിയില്‍ നിന്ന് അനസ്തേഷ്യയോ സമാനമായ മറ്റ് മരുന്നുകളോ എടുത്ത് സ്വന്തമായി ശരീരത്തില്‍ കുത്തിവെച്ചുവെന്നാണ് പ്രാഥമിക നിഗമനമെന്ന് പൊലീസ് പറയുന്നു.
അവിശ്വസനീയ ഓഫറുകളുമായി ഗോദ്രെജ് ഇൻ്റീരിയോ
© 2019 IBC Live. Developed By Web Designer London
