ഒമിക്രോൺ ഭീതി ; സ്കൂളുകൾ അടയ്ക്കില്ല, രോഗവ്യാപനം കൂടിയാൽ വിദഗ്ധ അഭിപ്രായം തേടും

ഒമിക്രോൺ വ്യാപനത്തിന്റെ പശ്ചാത്തലത്തിൽ സ്‌കൂളുകൾ അടയ്‌ക്കേണ്ട സാഹചര്യമില്ലെന്ന് വിദ്യാഭ്യാസ മന്ത്രി വി ശിവൻകുട്ടി. ഭാവിയിൽ കൊവിഡ് കേസുകൾ കൂടിയായിൽ വിദഗ്ധരുടെ അഭിപ്രായം പരിഗണിച്ച് തീരുമാനമെടുക്കുമെന്നും വിദ്യാഭ്യാസ മന്ത്രി പറഞ്ഞു.

സ്‌കൂൾ തുറന്ന അന്ന് മുതൽ ഇതുവരെ അതീവ ഗൗരവമായി ഇടപെടേണ്ട സാഹചര്യത്തിലും ഒരു പ്രശ്‌നവുമില്ലാതെയാണ് പോവുന്നത്. നിലവിലെ സ്‌കൂളുകളുടെ പ്രവർത്തനത്തെ ബാധിക്കുന്ന രീതിയിൽ ഒമിക്രോൺ കേസുകൾ കൂടിയിട്ടില്ല. ഇനിയും ഒമിക്രോൺ എണ്ണം കൂടി സ്‌കൂൾ തുറക്കാൻ പറ്റാത്ത സാഹചര്യത്തിൽ വിദഗ്ധരുടെ അഭിപ്രായം പരിഗണിച്ച് തീരുമാനമെടുക്കുമെന്നും മന്ത്രി പറഞ്ഞു.

അതേസമയം രാജ്യവ്യാപകമായി ഒമിക്രോൺ വ്യാപന ആശങ്ക നിലനിൽക്കുന്നുണ്ട്. രാജ്യം വീണ്ടും കൊവിഡ് വ്യാപനത്തിലേക്കെന്ന സുചനകൾ നൽകുന്നതാണ് രോഗ സ്ഥിരീകരണ കണക്കുകൾ. കഴിഞ്ഞ 24 മണിക്കൂറിനിടെ മാത്രം ഒരു ലക്ഷത്തോളം കേസുകളാണ് രാജ്യത്ത് റിപ്പോർട്ട് ചെയ്ത്.