പാലാരിവട്ടം കേസ്; വാദത്തിനിടെ ഊരാളുങ്കൽ വിഷയം ഉന്നയിച്ച് ഇബ്രാഹിംകുഞ്ഞ്

കൊച്ചി: പാലാരിവട്ടം പാലം കേസിൽ മുൻപൊതുമരാമത്ത് മന്ത്രി ഇബ്രാഹിംകുഞ്ഞിന്റെ ജാമ്യാപേക്ഷ തിങ്കളാഴ്ച വിധി പറയാനായി ഹൈക്കോടതി മാറ്റി. കരാറുകാർക്ക് മുൻകൂറായി പണം നൽകുന്നത് ആദ്യമായല്ലെന്നും ഊരാളുങ്കൽ സർവീസ് സൊസൈറ്റിക്ക് ഇങ്ങനെ പണം നൽകിയിട്ടുണ്ടെന്നും ഇബ്രാഹിംകുഞ്ഞിന്റെ അഭിഭാഷകൻ വാദിച്ചു.

എന്നാൽ മറ്റ് കരാറുകളുമായി ഈ കരാറിനെ താരതമ്യം ചെയ്യേണ്ടതില്ലെന്ന് സർക്കാരും കോടതിയിൽ വാദിച്ചു. ഇബ്രാഹിംകുഞ്ഞിനെ കൂടുതൽ ചോദ്യം ചെയ്യണമെന്നും സർക്കാർ കോടതിയെ അറിയിച്ചു.