വഴി തടസപ്പെടുത്തിയുള്ള ഉപരോധങ്ങൾക്കെതിരായ ഹർജി ഇന്ന് ഹൈക്കോടതിയിൽ

പൊതുവഴി തടസപ്പെടുത്തിയുള്ള ഉപരോധങ്ങളും ഘോഷയാത്രകളും നിരോധിക്കണമെന്നാവശ്യപ്പെട്ടുള്ള ഹർജി ഹൈക്കോടതി ഇന്ന് പരിഗണിക്കും. എറണാകുളം സ്വദേശിയും സാമൂഹിക പ്രവർത്തകനുമായ കെ ഒ ജോണിയാണ് ഹർജിയുമായി കോടതിയെ സമീപിച്ചത്.

റോഡ് ഉപരോധം സംഘടിപ്പിക്കുന്ന രാഷ്ട്രീയ പാർട്ടികളുടെ അംഗത്വം റദ്ദാക്കണം, യാത്രക്കാർക്ക് ബുദ്ധിമുട്ടുണ്ടായാൽ നഷ്ടപരിഹാരം നൽകണമെന്നും ഹർജിയിൽ ആവശ്യപ്പെടുന്നു. കോൺഗ്രസ്, സിപിഐഎം, ബിജെപി, ലീഗ്, മുഖ്യ തെരഞ്ഞെടുപ്പ് കമ്മിഷണർ തുടങ്ങിയവരെ എതിർകക്ഷികളാക്കിയാണ് ഹർജി.