സീറ്റുകളുടെ കാര്യത്തിൽ വിട്ടുവീഴ്ച്ചക്ക് തയ്യാറായി പി ജെ ജോസഫ്

നിയമസഭാ തെരഞ്ഞെടുപ്പിൽ സീറ്റുകളുടെ കാര്യത്തിൽ വിട്ടുവീഴ്ച്ചക്ക് തയ്യാറായി പി ജെ ജോസഫ്. കോട്ടയം ജില്ലയിൽ ചില സീറ്റുകൾ കോൺഗ്രസിന് വിട്ടുനൽകും.12 സീറ്റ് വേണമെന്നായിരുന്നു ജോസഫ് ഗ്രൂപ്പിൻ്റെ ആവശ്യം.

അടുത്ത സീറ്റ് ചർച്ചയിൽ പി ജെ ജോസഫ് നിലപാട് അറിയിക്കും. നേരത്തെ കോട്ടയം ജില്ലയിൽ ആറ് സീറ്റ് വേണമെന്നായിരുന്നു ആവശ്യം. പാല ഒഴികെ അഞ്ച് സീറ്റ് വേണമെന്ന ആവശ്യത്തിൽ നിന്നാണ് പിന്തിരിയുക.

നേരത്തെ കോൺഗ്രസ് ഇത് സംബന്ധിച്ച് അനൗദ്യോഗിക ചർച്ചകൾ പി ജെ ജോസഫ് വിഭാഗവുമായി നടത്തിയിരുന്നു. ഏറ്റുമാനൂർ, ചങ്ങനാശേരി സീറ്റുകളിൽ രണ്ടാം ഘട്ട സീറ്റ് ചർച്ചയിൽ തീരുമാനം ഉണ്ടായേക്കും.