കെപിസിസി രാഷ്ട്രീയകാര്യ സമിതിയിൽ പി ജെ കുര്യൻ പങ്കെടുക്കില്ല

കെപിസിസി രാഷ്ട്രീയകാര്യ സമിതി യോഗത്തിൽ പി ജെ കുര്യൻ പങ്കെടുക്കില്ല. വ്യക്തിപരമായ അസൗകര്യങ്ങൾ ചൂണ്ടിക്കാട്ടിയാണ് യോഗത്തിൽ പങ്കെടുക്കില്ലെന്ന് അറിയിച്ചിരിക്കുന്നത്. കെപിസിസി നേതൃത്വത്തെ ഇക്കാര്യം അറിയിച്ചിട്ടുണ്ടെന്നും പി ജെ കുര്യൻ വ്യക്തമാക്കി. രാഹുൽ ഗാന്ധിക്കെതിരെ ഇന്നലെ രൂക്ഷമായ വിമർശനം ഉന്നയിച്ചതിന് ശേഷമാണ് രാഷ്ട്രീയകാര്യ സമിതി യോഗത്തിൽ നിന്ന് പി ജെ കുര്യൻ വിട്ടുനിൽക്കുന്നത്. ഇക്കാര്യം രാഷ്ട്രീയകാര്യ സമിതിയിൽ ചർച്ചയാകുമെന്ന റിപ്പോർട്ടുകൾക്കിടെയാണ് പി ജെ കുര്യന്റെ തീരുമാനം. രാഹുൽ ഗാന്ധി ഉത്തരവാദിത്തങ്ങളിൽ നിന്ന് ഒളിച്ചോടിയ ആളാണെന്നായിരുന്നു വിമർശനം. പാർട്ടി അധ്യക്ഷനല്ലാത്ത ഒരാൾ നയപരമായ തീരുമാനങ്ങൾ എടുക്കുന്നത് ശരിയല്ല. രാഹുൽ ഗാന്ധി ആശ്രയിക്കുന്നത് ഒരു കോക്കസിനെ മാത്രമാണ്. രാഹുൽ അല്ലാതെ മറ്റൊരാൾ കോൺഗ്രസ് അധ്യക്ഷ സ്ഥാനത്തേക്ക് വരണമെന്നും പിജെ കുര്യൻ പറഞ്ഞിരുന്നു